Lou doumèni Moun Pantaï

En prouvençau, "Moun Pantaï" significo "Mon Rêve". Verai, ai realisa un pantaï en seguissènt la tradicioun vigneirouno à Santo-Cèio, en plen cor de l’Apelacioun d’Óurigino Countourroulado Côtes-du-Rhône.

Lou granacho, redoun e frucha, es lou soucage principau. I’apound la counoiso, pèr soun incoumparablo souplesso, la Sira e lou mourvedre pèr sa poutènçi, si tanin e la bello councentracioun que counferon i vin rouge.

Li vin blanc soun tira de clareto que soun agradivo acideta se marido à la flouralo roundour de la delicato Bourboulenco emé un pessu de viognié.

Li ressourso di teinico mouderno soun utilisado à bèl esprèssi, cade cop que permeton de trascenda lou sabé de nostis àvi, de retrouba l’èime que lis animavo, valènt à dire la tradicioun vertadiero...

 Li vin dóu doumèni Moun Pantaï soun autenti, amagestra dins li règlo de l’art, abali emé amour.

Frédéric Penne, vigneiroun